«Апарламенттә алхрақәа рҟнынӡа мызкы еиҳаны иаанхеит,  арҭ алхрақәа ҳтәылазы  2012 шықәсатәи алхрақәа ирымаз аҵакы рымоуп. Уи референдумхоит,  ауаа аибашьра ма аҭынчра алырхроуп,  аморалтә каҳара ма атрадициатә принципқәа рыхьчара рыбжьара алхра ҟарҵароуп,  аҭоурых лашьцахь ахынҳәра ма Қырҭтәыла европатәи аҧеиҧш лаша», — иҳәеит  «Ақырҭуа гәахәтәы» алхратә штаб анапхгаҩы, аҧыза-министр Иракли Кобахиӡе Русҭави имҩаҧысуаз алхратә кампаниаҿ еизаз ауаа рҿаҧхьа данықәгылоз.

Кобахиӡе ишиҳәаз ала, иара агәра ганы дыҟоуп жьҭаара  26 рзы Русҭави ауааҧсыра аибашьреи,  аморалтә каҳареи,  аҭоурых лашьцеи мап рыцәкны,  аҭынчреи,  атрадициатә принципқәеи,  Қырҭтәыла аҧеиҧш лашеи шалырхуа.

Кобахиӡе ишиҳәаз ала,  ацәгьауцәа рхьырхәреи,  наӡаӡа аҭынчра ашьақәыргылареи,  иҭышәынтәалоу аҿиара анагӡареи азыҳәан,  «Ақырҭуа гәахәтәы»,  хымҧада   аконституциатә аиҳара аиуроуп.