Саломе Зурабишвилии арадикалтә аоппозициа ахаҭарнакцәеи Ацентртә алхратә комиссиа амҩаҿахҵәатә ҭагылазаашьаҿ ааныжьра рҭахуп, апарламенттә аиҳара ари рҭахым, – иҳәеит Қырҭтәыла аԥыза-министр Иракли Кобахиӡе ажурналистцәа данрацәажәоз

Аԥыза-министр иажәақәа рыла, ахада лвето ариааира Евроеидгыла жәпунктк рҟынтә пунктк анагӡара иазкуп.

“Ацентртә алхратә комиссиа азҵаара ҳахцәажәозар, ари аус мариоуп – иахьа Ацентртә алхратә комиссиа азҵаара амҩаҿахҵәатә ҭагылазаашьаҿ иҟоуп, избан акәзар акомиссиа ахантәаҩы, ҩыџьа алахәылацәа фымзтәи аҿҳәарала иалхын. Апарламен аднакылаз азакәанпроект ари амҩаҿахҵәатә ҭагылазаашьантә алҵразы ихырҳагоуп. Ацентртә алхратә комиссиа амҩаҿахҵәатә ҭагылазаашьаҿ ҳзааныжьуам, ари иузудымкыло ҭагылазаашьоуп. Саломе Зурабишвилии арадикалтә аоппозициа ахаҭарнакцәеи Ацентртә алхратә комиссиа амҩаҿахҵәатә ҭагылазаашьаҿ ааныжьра рҭахуп, апарламенттә аиҳара ари рҭахым. Ахада лвето ариааира Евроеидгыла жәпунктк рҟынтә пунктк анагӡара иазкуп”, – иҳәеит Кобахиӡе.