«Аспорт адгылара ҕәҕәа шамоу иубарҭоуп ҳолимпицәа ираҳҭо апремиақәа рылагьы.  Ишыжәдыруа еиҧш, ахьтәы медаль цыҧхьаӡазы иазҧхьагәаҭоуп миллион лари апремиа; араӡнытә медаль азы  – миллионбак лари, аџьазтә медаль азы  – 250 000 лари. Апараолимпиатә хәмаррақәа рҿы ақәҿиарақәа рзы шәаргьы абри аҩызаҵәҟьа апремиақәа шәоуеит», — иҳәеит Қырҭтәыла аҧыза-министр Иракли Кобахиӡе Париж имҩаҧысуа 2024 шықәсатәи апараолимпиатә хәмаррақәа рахь Қырҭтәыла аизга анаскьагара ацеремониаҿы данықәгылоз.

Аиҳабыра рнапхгаҩы апараолимпиатә аизга алахәылацәа қәҿиарала ақәгылара рзеиҕьеишьеит.

«Ишыжәдыруа еиҧш, атәыла анапхгара ақырҭуа спорт аҿиаразы, апараолимпиатә аспортхкқәа рырҿиаразгьы иҟарҵо рацәоуп.

2012 шықәсанӡа аспорт 2 хкык рҿы хҩык аспортсменцәа мацара ҳаман. Апараолимпиатә спортхкқәа хәыҷы-хәыҷла аҿиара иаҿуп, иахьазы апараолимпиатә комитет иалоуп 15 аспортхкқәа рҿы еицлабуа 350-ҩык аспортсменцәа. Уи абзоурала, иахьа Парижтәи аолимпиадаҿы − аспорт 6 хкык рҿы 14-ҩык апараолимпицәа ҳамоуп, уи зеиҧшҟамлац ала идуу арбагоуп. Аспорт адгылара ҕәҕәа шамоу иубарҭоуп ҳолимпицәа ираҳҭо апремиақәа рылагьы.  Ишыжәдыруа еиҧш, ахьтәы медаль цыҧхьаӡазы иазҧхьагәаҭоуп миллион лари апремиа; араӡнытә медаль азы  – миллионбак лари, аџьазтә медаль азы  – 250 000 лари. Апараолимпиатә хәмаррақәа рҿы ақәҿиарақәа рзы шәаргьы абри аҩызаҵәҟьа апремиақәа шәоуеит.  Даҽазнык ақәҿиара дуқәа шәзеиҕьасшьар сҭахуп. Ҳара ҳшәыхәаҧшуеит, агәра ганы сыҟоуп аиааира дуқәа рыла Қарҭҟа шәшыхынҳәуа,“ – иҳәеит аҧыза-министр.