Асасааирҭа „Бодбе“ иргылан ақырҭуа инвестициа мацарала, ари апроект иалаҵан  56 миллион адоллар, асасааирҭаҿ аус руеит 200-ҩык раҟара, урҭ реиҳара аҭыҧантәи ауааҧсыра роуп, – иҳәеит Қырҭтәыла аҧыза-министр Иракли Кобахиӡе Сиҕнаҕи, асасааирҭа „Бодбе“ аартратә уснагӡатә аҿы данықәгылоз. 

Аиҳабыра рнапхгаҩы иҳәамҭала, зкласс ҳараку асасааирҭақәа раартра Сиҕнаҟии, Кахеҭии рзы аҵакы ду амоуп, иара убас, жәларбжьаратәи аҩаӡараҟны атәыла аӡыргара иацхраауеит. 

„Ауаа аусурҭала реиқәыршәара ацхраара ҳара ҳзы аҧыжәара змоу аҳасабтәқәа иреиуп, ари аганахьала абри аҩыза апроектқәа аҵакы ду рымоуп. Асасааирҭаҿ  132 ауадақәеи, акрыфаратә обиектқәеи, аконференциатәи аҧсшьаратәи қәыҧшыларақәеи иҟоуп. Абри зегьы иҳаракӡоу ахаҭабзиарала иҟаҵоуп. Ҳтәылеи арегиони зкласс ҳаракӡоу даҽа сасааирҭак ацлеит.

Афонд „Қарҭуи” „Смарт капитали” абри апроект ссир анагӡаразы ҭабуп ҳәа расҳәар сҭахуп. Уи абизнеспроект мацара акәӡам, уи атәыла аҿиара иазку проектуп. Ари апроект анагӡара иалахәыз ауаа зегьы ҭабуп ҳәа расҳәоит. Ҳаҭыр зқәу Вано Чхартишвилии иҭаацәареи ҷыдала иалкааны, ари апроект анагӡаразы ҭабуп ҳәа расҳәоит”, – иҳәеит аҧыза-министр.