Ақырҭуа-америкатә еизыҟазаашьақәа реиҕьтәразы ииашоу, изҩыдоу азнеишьа иҟазароуп, асанкциақәеи абри аҩыза аӡбарақәеи ҳаизыҟазаашьақәа реиҕьтәра иацхраауам, – иҳәеит Қырҭтәыла аҧыза-министр Иракли Кобахиӡе ажурналистцәа данырҧылоз.

Кобахиӡе иҳәамҭала, асанкциақәа рышьақәыргылара ақырҭуа-америкатә еизыҟазаашьақәа рырбгароуп изызку.

„Абри аҩыза ашьаҿақәа, абри аҩыза аӡбарақәа ҳаизыҟазаашьақәа реиҕьтәра иацхраауам. Шәара ибзианы ишәгәалашәоит аҵыхәтәантәи ҧшьышықәса рзы ҳаизыҟазаашьақәа рҿы акрызҵазкәа апроблемақәа шыҟаз. Абарҭ апроблемақәа реиҳара  ҧасатәи ацҳаражәҳәаҩ лусушьа иахылҵуан, ҳәарада, абри аҩыза аҭагылазаашьаҿы аизыҟазаашьақәа рырҽеира аҵакы ду амоуп.  Аизыҟазаашьақәа реиҕьтәразы ииашоу, изҩыдоу азнеишьа иҟазароуп, асанкциақәеи абри аҩыза аӡбарақәеи ҳаизыҟазаашьақәа реиҕьтәра иацхраауам, насгьы, асанкциақәа зранг ҳараку аполициа аусзуҩцәа, нанҳәатәи аибашьраан еибашьуаз ауааҧсыра ирзышьақәдыргылазар.  Уи ҳҳәынҭқарра аҳаҭыр аларҟәроуп иаанаго, ҳара уи ҳзақәшаҳаҭхом. Сара Америка ацҳаражәҳәаҩ санылҧылоз сгәынамӡара лзаасырҧшит, уи еиҳангьы, еилыкка исҳәеит абри аҩыза даҽа шьаҿак ҟалар, позициақәак реиҭахәаҧшра шҳақәшәо. Баша апартниор акәымкәа, астратегиатә партниор ҳәа ззаҳҳәо  аҳәынҭқарра аҟынтә апартниорра иаҵанамкәа азнеишьа ҳадаҳкылом. Убри аҟынтә, зегьы ирыбжьазгоит рационалла, ииашаны рхы мҩаҧыргаларц. Уи ақырҭуа-америкатә еизыҟазаашьақәа ирзеиҕьхоит. Иацжәацы иҟарҵаз ашьаҿа ҳалацәажәозар,  уи ақырҭуа-америкатә еизыҟазаашьақәа рырбгароуп изызку. Шәара шәхала шәазхәыц, уи интересс измада“, – иҳәеит Иракли Кобахиӡе.