«Аоппозициатә лидерцәа руаӡәы имхаҳәеит ажьырныҳәа 20-нӡа аиҳабыра рыҧсахра ҳалшароуп ҳәа. Арҭ ауаа ажьырныҳәа  20 иацәшәоит, аха агәра дсыргар сҭахуп дара заанаҵы, ажьырныҳәа 20-нӡагьы ҳтәылаҿ аилаҩынтәра аиҿкаара аҽазкрақәа шыхдыркәшо», — иҳәеит Қырҭтәыла аҧыза-министр Иракли Кобахиӡе аиҳабыра реилатәараҿы.

Аҧыза-министр иажәақәа рыла, арадикалтә оппозициа ажьырныҳәа  20 иацәшәоит.

«Аоппозициатә лидерцәа руаӡәы имхаҳәеит ажьырныҳәа 20-нӡа аиҳабыра рыҧсахра ҳалшароуп ҳәа. Арҭ ауаа ажьырныҳәа  20 иацәшәоит, аха агәра дсыргар сҭахуп дара заанаҵы, ажьырныҳәа 20-нӡагьы ҳтәылаҿ аилаҩынтәра аиҿкаара аҽазкрақәа шыхдыркәшо. Арадикалтә оппозициа  зегьы ажьырныҳәа  20 иацәшәоит. Дара ҳреиҧшымкәа, ҳара аоптимизм ҳамоуп», — иҳәеит аҧыза-министр.

Апартиа  «Гахария —  Қырҭтәылазы» ахантәаҩы Гьаргь Гахариа иҳәеит: «Ҳара  «Раҧхьатәи афаза» захьӡу аплан етапла инаҳагӡоит. Ашықәс Ҿыцнӡа, ианамуӡа  – Америка ахада иинаугурацианӡа ари афаза ахыркәшара ҳалымшар, нас, даараӡа икьасахоит».