««Ақырҭуа гәахәтәы» ареитинг ду ҩ-фактк ирыбзоуроуп: раҧхьа иргыланы  – аҭынчра, аҩбатәи – аекономикатә азҳара ду», — иҳәеит  «Ақырҭуа гәахәтәы» алхратә штаб анапхгаҩы, аҧыза-министр Иракли Кобахиӡе алхраҧхьатәи программа аӡыргараҿы данықәгылоз.

Аиҳабыра рнапхгаҩы ишиҳәаз ала, анапхгаратә гәыҧ алхраҧхьатәи программаҿы хшыҩзышьҭра ҷыда азуп аекономикатә азҳара лас.

Иракли Кобахиӡе апартиа аҳаҭыртә хантәаҩы Биӡина Иванишвилии, апартиа ахантәаҩы Иракли Ҕарибашвилии, аполитхеилак алахәылацәеи ҭабуп ҳәа реиҳәеит  апрограмма аус адулареи адокумент ақәшаҳаҭхареи азыҳәан.

«Ҳара лассы-лассы иаҳҳәалоит ареитинг аганахьала аҭоурыхтә максимум шҳамоу. Уи  ҩ-фактк ирыбзоуроуп: раҧхьа иргыланы  – аҭынчра, аҩбатәи – аекономикатә азҳара ду. Уажәгьы аекономикатә азҳара ду хшыҩзышьҭра ҷыда амазаауеит, избанзар,  атәыла аҿиара аекономикеи, ауаа рсоциалтә ҭагылазаашьа аиҕьтәреи, адәныҟаполитикатә ҳпозициақәа рырҕәҕәареи иахьыҧшуп», — иҳәеит  Иракли Кобахиӡе.