Қырҭтәыла аҧыза-министр Иракли Кобахиӡе аҧсабаратә рыцҳара амшала аҧхасҭа зауз Алаверди акафедралтә ныхабаа аиҭашьақәыргыларатә усурақәа шымҩаҧысуа гәеиҭеит.
Аберҭыҧтә комплекс аҿы аҭагылазаашьа иазкны аиҳабыра рнапхгаҩы изеиҭарҳәеит Акультуратә ҭынха ахьчара амилаҭтә агентра агенералтә директор Николоз Азнаурашвилии Абба Алавердитәи амитрополит Давиҭи.

Алаверди аепархиеи Қырҭтәыла акультуратә ҭынха ахьчара амилаҭтә агентреи русеицура ала, уажәазы аныхабаа аҟәырҕ аиҭашьақәыргыларазы аҽазыҟаҵаратә усурақәа мҩаҧысуеит, анеҩс, аспециалистцәа аҟәырҕ аиҭашьақәыргылара иалагоит.

Аҧсабаратә рыцҳара иахылҵыз аҧхасҭа ахәшьара арҭеит Акультуратә ҭынха ахьчара амилаҭтә агентра архитектор-аиҭашьақәыргылаҩцәеи аконструкторцәеи рыла еиҿкаау агәыҧ. Аҧшацәгьа  аныхабаа аҟәарҷ акаҵкәыр ахҩа хнахит, ахыб аҧхасҭа аиуит. Аныхабаа мраҭашәаратә агани аҟәырҕ асаркьали, аҷкәандартә ҩны ахыби ҧхасҭоуп, ахан абарҵа ибгеит, аныхабаа ақәырҕ аџьар каҳаит, аныхабаа иаҧну аҵакырадгьыл аҧхасҭа ду аиуит.

Алаверди акафедралтә ныхабаа Қырҭтәыла акультуратә ҭынха абаҟа астатус змоу аныхабаақәа рҟынтә зегьы реиҳа иҳаракуп.