«Аҧҟарақәа рыла иҳацәажәааит, абри ауп аҳәарас иқәҳаргыло,  ҳара ҳазшьапык ҳақәгылом,  аҩ-шьапык ҳрықәгылоуп,  ахырхарҭақәа зегьы рыла  ҳҳәынҭқарра ахьыҧшымра  ҳахьчоит.  Абасоуп ҳпозициа шыҟоу», — иҳәеит  Иракли Кобахиӡе  апрограммаҿ  «Имеди LIVE» Америка ақырҭуа аӡбаҩцәа ирзышьақәнаргылаз асанкциақәа данрылацәажәоз.

Иара ишиҳәаз ала,  имаҷымкәа атемақәа иҟоуп,  урҭ иреиуп аҭелтә аиҿцәажәарақәа раан иқәдыргылоз аҳәарақәагьы,  убри аҟынтә,  анапхгаратә партиа ахантәаҩы  аҧҟарақәа рыхьчаразы ааҧхьара ҟаиҵеит.

«Ноль аршаҳаҭгақәа. Изакәызаалак аршаҳаҭгак рымам. Иаҳцәырҵәахуама? Ацәгьаура ҟаҵазар ҳара иаҳцәырҵәахуама? Мамзаргьы,  изаҳцәырҵәахуеи? Уи гаӡарами. Ацәгьаура ҟаҵазар,  раҧхьа иргыланы,  егьи аган адырра рыҭатәыми,  мамзаргьы ауаажәлар ираҳәатәыми.  Ибзиоуп,  иҳәынҭқарратәым аиҿкаарақәа раартызаара шәҭахымзар,  ианамуӡа,  уажәы ажәлар ирашәҳәа абри ма абни аӡбаҩ ацәгьаура ҟаиҵеит ҳәа. Аршаҳаҭгақәа рымазар,  изырымҳәои? Абраҟа алогика абаҟоу? Ҳәарада,  изакәызаалак алогикак иҟам. Аполитикатә интерес ауп иҟоу,  дара ихьыҧшым аӡбара аусура аҽалагалара ауп ирҭаху.

Ҳара егьырҭ атемақәагьы ҳамоуп,  аха,  иахьа урҭ срылацәажәар сҭахым. Ҳанрылацәажәаша аамҭа ааип. Аҭелтә аиҿцәажәарақәа раан иҟарҵоз аҳәарақәагьы аадыруеит.  Абри зегьы иҟоуп. Убри аҟынтә,  дара рахь ааҧхьара ҟасҵоит аҧҟарақәа ирықәныҟәаларц», — иҳәеит  Кобахиӡе.