«Ажәлар атәыла анапхгара ирыдгылоит, аоппозициаа адгылара рымам, абри ауп ихадоу», – иҳәеит Бақәа иҟоу  Қырҭтәыла аҧыза-министр  Иракли Кобахиӡе.

Аиҳабыра рнапхгаҩы ишиҳәаз ала,  аоппозициаа адәахьы ақәҿиара роур рҭахын, аха, алхрақәа рҿгьы адәахьгьы ақәҿиара аиуразы ресурск аҭахуп  – ажәлар рҟынтә адгылара, дара уи рымам.

«Ҧшьышықәса раҧхьа аоппозициаа абри аҩызаҵәҟьа аҽазышәара рыман, усҟан қәҿиарак роуит, избанзар, усҟан ҳара адәныҟатәи аҽалагалара амшала аиҿцәажәарақәа рҽалархәреи  мшаҧы  19-тәи аиқәшаҳаҭра анапаҵаҩреи ҳақәшәеит. Уажәы абри аҩыза аресурс рымам, апроцесс имарианы имҩаҧысуеит. Хара имгакәа Алхратә комиссиа хада алхрақәа рылҵшәақәа цәырнагоит, анеҩстәи амза анҵәамҭанӡа апарламент раҧхьатәи аилатәара мҩаҧгахоит, анеҩс, мышәқак рышьҭахь, аиҳабыра аилазаара ҿыц шьақәҳарҕәҕәоит. Абри зегьы амза анҵәамҭанӡа ҳахьӡар ҟалап.  Арҭ апроцессқәа ҭынч имҩаҧгахоит. Ажәлар анапхгаратә гәыҧ ирыдгылоит. Дара ажәлар рҟынтә адгылара рымам, уи ауп ихадоу. Аоппозициаа адәахьы ақәҿиара роур рҭахын, аха, алхрақәа рҿгьы адәахьгьы ақәҿиара аиуразы ресурск аҭахуп  – ажәлар рҟынтә адгылара, дара уи рымам», – иҳәеит аҧыза-министр.