«Аолимпицәа реиҧшҵәҟьа, апаралимпицәагьы абри аҟараҵәҟьа аҧара роуеит, амедальқәа змауз апаралимпицәа зегьы  50 000 лари роуеит», — иҳәеит Қырҭтәыла аҧыза-министр  Иракли Кобахиӡе апаралимпицәа рҧылара ацеремониаҿ данықәгылоз.

Аҧыза-министр иажәақәа рыла, иашьашәалоу аӡбара рыдыркылахьеит, уаҵәы апаралимпицәа анашьамҭақәа роуеит.

«Ишәгәаласыршәар сҭахуп апарламент ахантәаҩи сареи амедальқәа зауз аспортсменцәа зегьы анашьамҭақәа рыҭаразы аӡбара шҳадаҳкылаз, урҭ рызынтәгьы иреиҳаӡоу аҳәынҭқарратә анашьамҭақәа раиуразы иқәҳаргылоит.

Сара Апаралимпиатә комитет, хаҭала ҳаҭыр зқәу Рати ҭабуп ҳәа иасҳәар сҭахуп аҽазышәара ҷыдеи гәыкала аусуреи азыҳәан. Ҳәарада,   иашьашәалоу афедерациақәа зегьы ҳраҭабууп, акультуреи аспорти рзы аминистр Ҭеа Ҵулукиани ҭабуп ҳәа ласҳәар сҭахуп. Атренерцәеи, аҳақьымцәеи, атехникатә гәыҧи сраҭабууп, апаралимпицәа хазы ҭабуп ҳәа расҳәоит, ақырҭуаа зегьы шәиааирақәа ҷыдала иреигәырҕьеит, иаҳзаажәгаз агәырҕьареи азгәыдуреи азыҳәан ҭабуп ҳәа шәасҳәоит», — иҳәеит аҧыза-министр.