Анеҩстәи ашықәс алагамҭа инаркны Евроеидгылеи Америкеи рҟны аизыҟазаашьақәа реиҭахәаҧшра ҳалагоит ҳәа ҳгәы иаанагоит, уи ҳара ҳзы аҧыжәара змоу азҵаарақәа иреиуп, — иҳәеит Қырҭтәыла аҧыза-министр Иракли Кобахиӡе.

Кобахиӡе ишазгәеиҭаз ала, «Ақырҭуа гәахәтәы» азы адәныҟаполитикатә ҧыжәара хадоуп Евроеидгылахь аинтеграциа.

«Ҳара аизыҟазаашьақәа реиҭахәаҧшра ҳазыҧшуп.  Анеҩстәи ашықәс инаркны ари апроцесс интенсивла иалагоит ҳәа сгәы иаанагоит.  Хара имгакәа Украинаҿ аибашьра хыркәшахоит ҳәа ҳгәы иаанагоит.  Анеҩстәи ашықәс алагамҭа инаркны Евроеидгылеи Америкеи рҟны аизыҟазаашьақәа реиҭахәаҧшра ҳалагоит, уи ҳара ҳзы аҧыжәара змоу азҵаарақәа иреиуп.

«Ақырҭуа гәахәтәы» рзы адәныҟаполитикатә ҧыжәара хадоуп Евроеидгылахь аинтеграциа. Убри аҟынтә, уажәтәи аизыҟазаашьақәа зынӡаскгьы иҳгәаҧхом.  Хара имгакәа ари ахырхарҭала раҧхьатәи адыргақәа цәырҵып ҳәа ҳгәыҕуеит,   уи ҳтәылазы аҵакы ду амоуп. Евроеидгылеи Америкеи рзгьы аҵакы ду амоуп ҳәа сгәы иаанагоит», — иҳәеит  Иракли Кобахиӡе.