Анаклиатәи иҵаулоу абаҕәаза Қырҭтәылазы астратегиатә ҵакы змоу проектуп, уи атәыла абаҕәазатә инфраструктура аҿиареи, иара убас, инеизакны Абжьаратә корридор аинфраструктура аиҕьтәреи, аконкуренциалшара аизырҳареи иацхраауеит, Европеи Азиеи ртранспорттә системақәа еиднаҳәалоит, – иҳәеит Қырҭтәыла аҧыза-министр Иракли Кобахиӡе Анаклиатәи иҵаулоу абаҕәаза аӡытә инфраструктура апроектҟаҵареи аргылареи алагара иазкцыз ауснагӡатә аҿы данықәгылоз.

Аԥыза-министр иажәақәа рыла, Анаклиатәи абаҕәаза атәыла аекономикатә аҿиара иацхраауеит, Қырҭтәыла арегионалтәи жәларбжьаратәи аҵакы азнарҳауеит, ҳшәарҭадара арҕәҕәоит. Ари апроект анагӡара ахырхарҭақәа зегьы рыла, аекономикатә, иара убас, аполитикатә ганахьала аҵакы ду амоуп.

„Аҳәынҭқарратә программа анцәыраагоз, Анаклиатәи абаҕәаза раҧхьатәи аҕба аҭалара арыцхәс иазгәаҳҭеит  2029 шықәса. Аха, аусурақәа иаҳа ирласны имҩаҧгахап ҳәа сгәыҕуеит. Анаклиатәи иҵаулоу абаҕәаза Қырҭтәылазы астратегиатә ҵакы змоу проектуп, уи атәыла абаҕәазатә инфраструктура аҿиареи, иара убас, инеизакны Абжьаратә корридор аинфраструктура аиҕьтәреи, аконкуренциалшара аизырҳареи иацхраауеит, Европеи Азиеи ртранспорттә системақәа еиднаҳәалоит. Анаклиатәи абаҕәаза атәыла аекономикатә аҿиара иацхраауеит, Қырҭтәыла арегионалтәи жәларбжьаратәи аҵакы азнарҳауеит, ҳшәарҭадара арҕәҕәоит. Ари апроект анагӡара ахырхарҭақәа зегьы рыла, аекономикатә, иара убас, аполитикатә ганахьала аҵакы ду амоуп. Апроект анагӡара иалахәы ауаа зегьы ҭабуп ҳәа расҳәар сҭахуп. Ҷыдала ҭабуп ҳәа иасҳәоит иашьашәалоу апроцессқәа ирхылаҧшуа актәи авице-аҧыза, ҳпартниор еилахәыра, аинџьнырцәа, аргылаҩцәа, ҳтәылазы астратегиатә ҵакы ду змоу апроект анагӡара иалахәы ауаа зегьы ҭабуп ҳәа расҳәоит“, – иҳәеит аҧыза-министр.