««Амилаҭтә Маидан» аиҿкаара аҽазкра аҳәаанырцәынтә аҧара азоушьҭуп, ари апроцесс маӡала имҩаҧысуеит,  убри азоуп аконкреттә мчқәа  «Аартызаара иазку» азакәан изаҿагыло. Дара,  маӡала ироуа аҧарала  атәылаҿ ареволиуциа еиҿыркаар рҭахын, аха, Қырҭтәылаҿ изакәызаалак «амилаҭтә Маидан» ма ареволиуциа зыҟалом», — иҳәеит Қырҭтәыла аҧыза-министр Иракли Кобахиӡе иахьа имҩаҧигаз апресс-конфренциаҿы.

Аиҳабыра рнапхгаҩы ишиҳәаз ала,  иацы Саакашвилии,  Гварамиеи,  Хазараӡеи,  Гахариеи рпартиақәа еицыҟарҵаз аҳәамҭаҿы,  апрактикала ишьақәдырҕәҕәеит Қырҭтәылаҿ аконституциатә аиҿкаара ишажәыло.

«Иацы Саакашвилии,  Гварамиеи,  Хазараӡеи,  гахариеи рпартиақәа еицыҟарҵаз аҳәамҭаҿы,  апрактикала ишьақәдырҕәҕәеит Қырҭтәылаҿ аконституциатә аиҿкаара ишажәыло. Аәәаанырцәтәи аҧарала Қырҭтәылаҿ «амилаҭтә Маидан» аиҿкаара ахҧатәи аҽазкрагьы алҵшәа ахылымҵит. Раҧхьатәи аҽазкра ҟалеит 2022 шықәса рашәарамзазы, ҳара акандидат астатус анҳарымҭаз, арадикалатә оппозициеи иҳәынҭқарратәым аиҿкаарақәеи ари азҵаара  «амилаҭтә Маидан» аиҿкааразы рхы иадырхәар рҭахын, аха, акгьы рзыҟамҵеит. Ҧыҭраамҭак ашьҭахь даҽа ҽазкракгьы иҟан, уи  «Аартызаара иазку» азакәан иадҳәалан, усҟангьы акгьы рзыҟамҵеит», — иҳәеит  Кобахидзе.