Америка Евроеидгыла иадҳәаланы планқәас ирымоу интересс иҳамоуп, аха, еиҳагьы интересс иҳамоуп европатәи абиурократцәа адҵақәа рызҭо иформалым амчқәа Евроеидгыла иадҳәаланы гәҭакыс ирымоу , – иҳәеит Қырҭтәыла аҧыза-министр Иракли Каобахиӡе Қырҭтәыла Актәи аканал адырраҭараҿы  „Актуалтә тема  – Мака Цинцаӡе лҟны“.

Иракли Кобахиӡе ишиҳәаз ала, Евроеидгыла аҩныҵҟа иуадаҩу апроцессқәа мҩаҧысуеит, арҭ апроцессқәа мҩаҧысуеит иформалым амчқәа рыдҵала.

„Убри аҟынтә, дара ишырыӡбо ауп ишыҟало. Америка амилаҭтә шәарҭадара астратегиа ҿыц адокументаҿ Евроеидгыла иадҳәаланы иҟаҵоу анҵамҭа аоптимизм азы ашьаҭа  ҳнаҭом,  избанзар, иҵаҵгәырку акритика ҳбоит, аха, ҧаса, америкатә документқәа рҿы абри аҩыза акритика иҟамызт.  Ҳара  3-4 шықәса ирылагӡаны иаҳҳәоз ауп  ари адокумент иану.  Иҟало аабап.  Ҳтәыла хәыҷуп, ҳара акоуп иҳалшо, амч дуқәа – Америкеи Евроеидгылеи аус шеицыруа ҳацклаҧшуеит. Ҳара Евроеидгыла иҕәҕәахар ҳҭахуп, насгьы, адокумент ишану ала, уажәазы Евроеидгыла аҩныҵҟа иҟоу анегативтә тенденциақәа рцынхәрас атенденциа бзиақәа иҟазар ҳҭахуп, уи ҳаргьы ҳинтересқәа ирыҵанакуеит. Аха, ҳара ҳамацара ҳакәӡам уи иазҿлымҳау,  европатәи аконтинент иқәынхо ауааҧсыра зегьы уи хьаас ирымоуп“, – иҳәеит Иракли Кобахиӡе.