Қырҭтәыла аҧыза-министр Иракли Кобахиӡе аҳәынҭқарратә усбарҭақәа русзуҩцәа рҟны аибадырратә ҟазшьа змоу аиҧыларақәа мҩаҧигоит. 

Иахьа аиҳабыра рнапхгаҩы  Аиустициа аминистрра аппарат хада аусзуҩцәеи ари аминистрра иаҵанакуа еиуеиҧшым аиҿкаарақәа рнапхгаҩцәеи дырҧылеит.  

Аҧыза-министр иаҵшьны иазгәеиҭеит ари аминистрра еффективла аусура атәыла аекономикатә азҳареи аҿиареи азы иамоу аҵакы ҷыда,  иара аминистри аусҳәарҭа аусзуҩцәеи аҳәынҭқарратә институтқәа рырӷәӷәаразы ҭабуп ҳәа реиҳәеит. 

Аиҿцәажәараан, Иракли Кобахиӡе атәылаҿ имҩаҧысуа аполиткиатә процессқәеи, аинфраструктуратәи аинвестициатәи проектқәеи, наҟ-наҟтәи апланқәеи аиҳабыратә программа ашьаҭатәи приоритетқәеи дрыхцәажәеит.

Аиҧылара мҩаҧган азҵаара – аҭак аформатаҿ. Аҧыза-министр аминистрра аусзуҩцәа рызҵаарақәа аҭак риҭеит.