«Аинаалареи атәылауаҩратә аиҟарареи азҵаарақәа рзы аҳәынҭқарратә министр зҵакы дуу аусура мҩаҧылгеит», — иҳәеит Қырҭтәыла аҧыза-министр Иракли Кобахиӡе  апарламентаҿ шықәсыктәи аҳасабырба анцәыригоз.

Иракли Кобахиӡе иажәақәа рыла, ашколнӡатәи, иара убас, ашколтәи аҵараҿы ҩ-бызшәактәи аҵара амодель хәыҷы-хәыҷла аларҵәара аиуеит.

Иара ишиҳәаз ала,  абиллингтә методла аҳәынҭқарратә бызшәа рҵоит 36 ахәыҷбаҳчақәеи  184 аҳәынҭқарратә школқәеи рҿы.

«Иқырҭуам ашколқәа рҿы зҵкалификациа ҳараку акадрқәа рхыҧхьаӡара аизырҳара амзызла,  арегионқәа рахь идәықәҵан  397ҩык ақырҭуа арҵаҩцәа. «Аҭынчра афонд» аҧшьбатәи агранттә конкурс аҳәаақәа ирҭагӡаны, Аҧсни Цхинвалтәи арегиони рҟынтә  ашәҟәы иҭагалоуп  129 абизнес-проектқәа, уи алагьы иубарҭоуп аҭыҧантәи ауааҧсыра ари аус ишазҿлымҳау.  22 ақырҭуа–аҧсуеи ақырҭуа-ауаҧси абизнеспроектқәа аҧара рзоужьҭуп. Ҵыҧх импыҵахалоу аҵакырадгьылқәа рҟынтә аҧышәарақәа рыда  Қырҭтәыла иреиҳаӡоу аҵараиурҭақәа рахь иҳадаҳкылеит   235ҩык астудентцәа.   Аҳәынҭқарратә рефералтә программа аҳәаақәа ирҭагӡаны арҭ ауаа, еиҧҟьарада, хәыда-ҧсада амедицинатәи цхыраара роуеит. Аҳасабырбаратә аамҭа иалагӡаны  ари апрограмма рхы иадырхәит  Аҧсны иқәынхо 1200ҩык раҟара, иара убас, Цхинвалтәи арегион иқәынхо 300ҩык ауааҧсыра.

Аиҳабыра Аҧсны аус зуа амедицинатә усбарҭақәа рыцхраара нарыгӡоит, анеитралтә статус акоординациатә механизм ахархәарала, ҳара, еиҧҟьарада, авакциақәеи, ахәшәқәеи, авирус аҿагыларатә тестқәеи, амедицинатә аибыҭареи раҳҭоит. Зыӡбахәы ҳәоу аамҭазы миллионкибжаки лари рыхә ацхараара раҳҭеит», — иҳәеит аҧыза-министр.

Иара иажәақәа рыла, Аҧсны арегионаҿ ақыҭанхамҩатә усуреи аҭыҧантәи ауааҧсыра рыцхраареи нагӡахоит.