Аҳәаанырцәынтә аҧара зауа ауааҧсыра Қырҭтәыла ареволиуциа аиҿкаара рҽазыркуазар,  рфинансыркра аартызароуп ҳәа ҳгәы иаанагоит, — иҳәеит Қырҭтәыла аҧыза-министр  Иракли Кобахиӡе италиатәи ателеканал  Sky аинтервиу анеиҭоз.

Аиҳабыра рнапхгаҩы ишиҳәаз ала, аҭаацәаратә принципқәа ирызку азакәан ауаҩы изинқәа ланарҟәом, араҟа апропаганда аҧкроуп излацәажәо.

«Уажәазы ҳара аконкреттә зҵаарақәа ирыдҳәаланы апроблемақәа ҳамоуп: иаҳҳәап, Қырҭтәыла апарламент иаднакылаз аартызаара иазку азакәан.  Аҳәаанырцәынтә аҧара зауа ауааҧсыра Қырҭтәыла ареволиуциа аиҿкаара рҽазыркуазар,  рфинансыркра аартызароуп ҳәа ҳгәы иаанагоит.  Аҭаацәаратә принципқәа ирызку азакәан ауаҩы изинқәа ланарҟәом, араҟа апропаганда аҧкроуп ҳазлацәажәо. Ари азакәан ауаҩы изинқәа астандартқәа ирышьашәалоуп», — иҳәеит аҧыза-министр.