Адронтә терапиа ацентр ахатә азкызаареи аҵаки рыла иуникалуп, уи аргылара хыркәшахоит  2026 шықәсазы, – иҳәеит Қырҭтәыла аҧыза-министр Иракли Кобахиӡе Қәҭешьтәи жәларбжьаратәи ауниверситет раҧхьатәи аушьҭымҭацәа аҳамҭақәа ранашьара  ацеремониаҿ данықәгылоз.

Қәҭешьтәи жәларбжьратәи университет абазаҿ зыргылара иаҿу адроннатә терапиа ацентр даналацәажәоз, аҧыза-министр ишазгәеиҭаз ала,  аргылара ахыркәшара ашьҭахь аҭҵааратә программақәа ианалагалак, ари апроект атәыла ахьӡ шьҭнахуеит.

„Ари апроект аҵакы ду амоуп, аргылара ахыркәшара ашьҭахь аҭҵааратә программақәа ианалагалак, ари апроект атәыла ахьӡ шьҭнахуеит,“- иҳәеит аиҳабыра рнапхгаҩы.

Иракли Кобахиӡе Биӡина Иванишвили ҭабуп ҳәа иеиҳәеит.  Аҧыза-министр иҳәамҭала, Қәҭешьтәи жәларбжьаратәи ауниверситет ауникалтә инфраструктуреи аҭыҧи рыла иалкаауп.

„Абри ауниверситет ашьаҭакҩы, аидеиа автор, ҳаҭыр зқәу Биӡина Иванишвили ҭабуп ҳәа иаҳҳәоит ҳтәылаҿ, Қәҭешь ақалақьаҿ зҵакы дуу аҵаратә хыҵҵырҭа аҧҵаразы. Даҽазнык иазгәасҭар сҭахуп абра ауникалтә  аинфраструктура шыҟоу, аҭыҧгьы ссируп, ҳаҭыр зқәу Биӡинеи иҭаацәареи роуп ари аҭыҧ иалызхыз. Араҟа зыҩаӡара ҳаракӡоу, европатәи астандартқәа ирышьашәалоу аинфраструктура еиҿкаауп“, – иҳәеит аҧыза-министр.