Аҭыҧантәи иҳәынҭқарратәым аиҿкаарақәа аинформациа ҧаршеи ианаладырҵәо аамҭазы, жәларбжьаратәи анаҧшратә миссиақәа рыла алхрақәа ииашоу ахәшьара рыраҭа  аҵакы ҷыда амоуп, – иҳәеит Қырҭтәыла аҧыза-министр Иракли Кобахиӡе.

Иара иажәақәа рыла, жьҭааразы имҩаҧысуа алхрақәа рҿы жәларбжьаратәи анаҧшцәа рылахәызаара аҵакы ду амоуп.

Кобахиӡе Америка Аҳәынҭқарратә департамент апресспикер иҟаиҵаз аҳәамҭа иазкны иазҵааит. Меҭиу Миллер иҳәеит: „Қырҭтәыла зхы иақәиҭу, ииашоу алхрақәа ҳбар ҳҭахуп,  анеҩстәи амшқәа хшыҩзышьҭра дула ҳрыцклаҧшуеит“.

„Ҳара анаҧшцәа рзы ҳаартуп. Ҳара жәабран азгьы жәларбжьаратәи анаҧшцәа рмиссиақәа ҳадаҳкылеит. Арҭ алхрақәа рҿы жәларбжьаратәи анаҧшцәа зегьы рзы ҳаартуп. Ҳара иаарту,  зхы иақәиҭу,  ииашоу алхрақәа мҩаҧаагоит,  убри аҟынтә,  жәларбжьаратәи анаҧшцәа шаҟа ирацәахо аҟара ҳаргьы иаҳзеиҕьхоит.  Насгьы,  аҭыҧантәи анаҧшратә аиҿкаарақәа аинформациа ҧаршеи ашьаҭала аҳасабырбақәа дырмазеиуеит,  дара ари атрадициа нарыгӡоит,  уи лабҿаба иубарҭан 2020 шықәсатәи алхрақәа рышьҭахьгьы,  усҟангьы адыррақәа зегьы рыҧсахит,  уажәгьы абри ауп ргәы иҭоу.   Абри аҩыза аҭагылазаашьаҿы, аҭыҧантәи иҳәынҭқарратәым аиҿкаарақәа аинформациа ҧаршеи ианаладырҵәо аамҭазы, жәларбжьаратәи анаҧшратә миссиақәа рыла алхрақәа ииашоу ахәшьара рыҭара  аҵакы ҷыда амоуп“, – иҳәеит Кобахиӡе.