Европатәи ахеилак ахада Шарль Мишель “Атәым нырра аартызаареи” “Аҭаацәаратә принципқәеи зықәра наӡам рыхьчареи” ирызку азакәанеидкылақәа ирызкны сиацәажәеит, – асоциалтә каҭа Х аҿы ааицҳаит Қырҭтәыла аԥыза-министр Иракли Кобахиӡе.

Аиҳабыра рнапхгаҩы иажәақәа рыла, Европатәи ахеилак ахада даниацәажәоз иаҵшьны иазгәеиҭеит 2020-2023 шықәсқәа рзы атәым финансркра змоу аиҿкаарақәа Қырҭтәыла ареволиуциа амҩаԥгара шырҭахыз.

“Агәынамӡара аасырԥшит апартниорцәа азакәанпроект иазкны хықәкылатәи адискуссиақәа рымҩаԥгара ахьырҭахым. Иара убас иазгәасҭеит азакәанпроект иаҿагыланы аргументқәа ишрымам. Европатәи ахеилак ахада саниацәажәоз иаҵшьны иазгәасҭеит 2020-2023 шықәсқәа рзы атәым финансркра змоу аиҿкаарақәа Қырҭтәыла ареволиуциа амҩаԥгара шырҭахыз. Ишиасҳәаз ала, Евроеидгыла ашьаҭатәи абжьагара  – адеполиаризациа – анагӡаразы ари “Атәым нырра аартызаара иазку” азакәанпроект адкылара ихадароу усуп”, – иануп Иракли Кобахиӡе иҟаиҵаз аҳәамҭа аҿы.

Европатәи ахеилак ахада Шарль Мишель асоциалтә каҭаҿы ишааицҳаз, Қырҭтәыла аҧыза-министр  Иракли Кобахиӡеи ҭелла диацәажәеит.