Атәыла аҿиареи ауааԥсыра рынхашьеи рыҩаӡара аарԥшразы акымкәа параметрқәа шьақәгылоуп, аха зегь реиҳа ихадоу арбага аекономикоуп, аҩныҵҟатәи аалыҵ PPP ала иубарҭоуп атәылақәа рҿы анхашьа аҩаӡара зеиԥшруо, – асоциалтә каҭаҿы иҩит “Ақырҭуа гәахәтәы” алидер Иракли Кобахиӡе.

“Жәларбжьаратә авалиутатә фонд адыррақәа рыла, Германтәылеи Швециеи Қырҭтәыла аҵкыс хынтә еиӷны инхоит, Франциа – 2,5-нтә. Қырҭтәыла аҵкыс 60% еиӷьны инхоит Урыстәыла ауааԥсыра, 50% аҵкыс еиӷны – Болгариа. Қырҭтәыла аҭагылазаашьа Евроеидгыла алаларазы акандидат тәылақәа  – Аҩадатәи Македониеи, Босниеи, Албаниеи, Молдовеи, Украинеи, Азербаиџьани Шәамахьтәылеи раҵкыс еицәоуп.

Аха Қырҭтәылеи аԥхьагылара змоу атәылақәеи рынхашьа аҩаӡара аиԥшымра хәыҷы-хәыҷла маҷхоит.

Жәларбжьаратәи авалиутатә фонд адыррақәа рыла, 2012 шықәсазы Германтәылеи Швециеи Қырҭтәыла аҵкыс 4,5-нтә еиӷьны инхон, Франциа – 4-нтә, Урыстәылеи Болгариеи рҿы аҭагылазаашьа 148%-и 67%-и рыла еиӷьын.

Иара убас, Жәларбжьаратәи авалиутатә фонд адыррақәа рыла, 2012 шықәса еиҿҳарԥшыр, 2023 шықәсазы Қырҭтәыла аекономика арбагала адунеи 30 тәыла раҵкыс аԥхьагылара аман, 110-тәи аҭыԥ аҟынтә ҳтәыла 79-тәи аҭыԥ ахь ииасит.

Ари иаанагоу акоуп – Қырҭтәыла аҿиара нанагӡоит”, – иҩит Кобахиӡе.