«Евроеидгыла ала ишьақәыргылоу 12 пунктқәа рынагӡара азҵаара аҧыжәара ҷыда амоуп,  убри аҟынтә, азинҷыдала, азинтә принципқәа ҳармыхәаҧшкәа,  изакәызаалак заанаҵтәи аҭагылазаашьақәа рыда, Апрокурор хада иалхра аҧҟара ҿыц ҳадаҳкылоит», —  иҳәет апартиа  «Ақырҭуа гәахәтәы» ахантәаҩы  Иракли Кобахиӡе.

Иракли Кобахиӡе ишазгәеиҭаз ала, арадикалтә оппозициа асаботаж ианаҿу аамҭазы,  «Ақырҭуа гәахәтәы» ахаҭарнакцәа 12 пунктқәа рынагӡаразы активла аус руеит.

«Зыӡбахәы ҳәоу  12  пунктқәа иреиуп Қырҭтәыла Апрокурор хада иалхра апроцедура аҧсахра. Ари апункт анагӡаразы, иацы, апарламенттә аиҳара,  аофициалла ицәырыргеит  ҵыҧх апарламенттә аиҳареи аоппозициеи иззеиқәшаҳаҭхаз аконституциатә закәан апроект.  Азакәанпроект инақәыршәаны,  апарламент анеҩстәи 2 ааҧхьарак   алахәылацәа Қырҭтәыла Апрокурор хада фышықәса аҿҳәара иҭаны далырхуеит апарламент алахәылацәа ахәба рыхҧа рбыжьқәа рыла. Акандидат ахәба рыхҧа рбыжьқәа имоур,  Апрокурор хада далырхуеит апарламент алахәылацәа реиҳара рбыжьқәа рыла,  аха,  шықәсык аҿҳәара иҭаны», — иҳәеит Иракли Кобахиӡе.