Адырра ашьаҭала аиновациатә економика аҿиара – ҳтәыла ҧхьаҟацаразы аҵакы ҷыда амоуп, – иҳәеит Қырҭтәыла аҧыза-министр Иракли Кобахиӡе Аинновациақәеи атехнологиақәеи рагентра 10 шықәсатәи аиубилеи инамаданы имҩаҧгаз ауснагӡатә аҿы данықәгылоз.

Аиҳабыра рнапхгаҩы агентра ахаҭарнакцәа 10 шықәсатәи аиубилеи рыдныҳәаланы, ишиҳәаз ала, Қырҭтәылаҿ аинновациатә екосистема ашьақәыргыларазы агентра имҩаҧнаго аусура аҵакы ду амоуп.

„Жәашықәса рыла агентра имҩаҧнагаз аусура алҵшәа бзиа ахылҵит. Агранттә программақәа рҳәаақәа ирҭагӡаны, аглобалтә масштабла апотенциал ду змоу 200 раҟара аинновациатә стартапқәа 38 миллион лари рзоужьҭын. Уи абзоурала, абенефицарцәа миллиардбжак лари хазхаҭалатәи афинанстә хырҳагара роуит, насгьы, зегьы реиҳа ихадоу, даҽа 3 нызқь аусуратә ҭыҧқәа аҧырҵеит. Агентра ацхыраарала Қырҭтәыла иалагалан адунеи топ-3 иаҵанакәа акселератор -„500“. Дара инарыгӡо, жәларбжьаратәи аҩаӡара змоу акселерациа апрограмма  ақырҭуа старпатқәа инарываргыланы, иара убас, иалахәып жәларбжьаратәи астартапқәагьы. Ари афакт алагьы иубарҭоуп Қырҭтәыла арегионалтә иновациатә центрс ишышьақәгылаз. Акселерациа апрограмма абзоурала,  2022 шықәсазы Қырҭтәыла аҧҵан раҧхьатәи хазхаҭалатәи авенчертә фонд  20 миллион адоллар акапиат ала. Қырҭтәыла зехьынџьара еиҿкаан  9 технопаркк, урҭ, ҧенџьырк апринципла, аиновациатә идеиақәа змоу атәылауаа еиуеиҧшым апроектқәа рынагӡараҿы ирыцхраауеит,“- иҳәеит аҧыза-министр.