Қырҭтәыла аҧыза-министр Иракли Ҕарибашвили Венгриа аҧыза-министр Виктор Орбан диҧылеит.

Виктор Орбан Қырҭтәыла иофициалтә визит аҳәаақәа ирҭагӡаны имҩаҧгаз ишиашо аиҧылараҿы  Қырҭтәылеи Венгриеи рыәбжьара апартниорра ҕәҕәа иалацәажәеит. Аиҳабыра рнапхгаҩы ишазгәеиҭаз ала, азеиҧш ҽазышәара абзоурала, атәылақәа рпартниорраҿы аетап ҿыц иалагеит, уи убарҭоуп аиҭныҧсахларатә визитқәеи аусхкытә еимадарақәа рырҭбаареи ала.

Аганқәа рхаҭарнакцәа еиуеиҧшым аусхкқәа рҿы қәҿиарала имҩаҧысуа аусеицура иаҳа арҭбааразы иҟоу аперспективақәа ирзааҭгылеит. Аҧыза-министр ишиҳәаз ала,  Қырҭтәыла аиҳабырабжьаратә саммит амҩаҧгара –  Қырҭтәылеи Венгриеи Будапешт ирыбжьарҵаз астратегиатә партниорра иазку аиқәшаҳаҭра апрактикаҿы анагӡара хәҭак ауп.

Евроинтеграциа азҵаара ианалацәажәоз Иракли Ҕарибашвили ишиҳәаз ала, Қырҭтәыла европатәи амҩа ианыланы ҧхьаҟацара иаҿуп. Иара абри апроцессаҿ Қырҭтәыла аиҳабыра имҩаҧыргаз аусура далацәажәеит. Аҧыза-министр ишиҳәаз ала,  аиҳабыра, 12 абжьагарақәа рынагӡаразы иаарту аинклиузуивтә процесс еиқәдыршәеит, ашықәс анҵәамҭаз атәыла Евроеидгыла аҟынтәи ақәҿиарақәа рышьаҭала аӡбара иаша иазыҧшуп. Аҧыза-министр Иракли Ҕарибашвили Виктор Орбан ҭабуп ҳәа иеиҳәеит ҳтәыла евроинтеграциа ҕәҕәала адгыларазы, иара ишазгәеиҭаз ала, Қырҭтәыла, ари апроцессаҿ, аиҩызаратә Венгриа аҟынтә адгылара иҳаракны ахә ршьоит.