«Австриатәи сколлега гәахәарыла Қырҭтәыла дсыдыскылоит, ари авизит аҭоурыхтә ҵакыамоуп ҳәа уҳәар ҟалоит», — иҳәеит Қырҭтәыла аҧыза-министр  Иракли Ҕарибашвили Австриа афедералтә канцлер Карл Неҳаммери иареи еицымҩаҧыргаз апресс-конференциаҿы.

«Раҧхьа иргыланы,  сколлега ҭабуп ҳәа иасҳәар сҭахуп.  Ихырҳагаз аиҧылара мҩаҧаагеит. Аҧхынраз аофициалтә визитла  Вена сыҟан, усҟан ҳаҭыр зқәу Неҳаммер сидикылон.  Усҟангьы ҳаиҿцәажәара ибзиаӡаны имҩаҧысит,  ҩ-ганктәи ҳаизыҟазашьақәеи,   адунеи аҿгьы,  Европагьы,   ҳрегион аҿгьы  иахьа даараӡа иуадаҩу агеополитикатә ҭагылазаашьеи ҳалацәажәеит,  абри зегьы ҳтәылақәа даараӡа ирныҧшуеит», — иҳәеит Ҕарибашвили.

Қырҭтәыла аҧыза-министр ишиҳәаз ала,   Австриа аканцлери иареи ишиашо аиҧылараҿ уажәтәи ҭагылазаашьа  иалацәажәеит.

«Ҳәарада,  Украина имҩаҧысуа аибашьра ҳазааҭгылеит  —  европатәи континент аҿы иахьазы уи зегьы реиҳа идуу проблемоуп.  Аҩбатәи адунеитә еибашьра инаркны иахьанӡа Европа абри аҩыза акризис иҭагыламызт, уи европатәи ашәарҭадара архитектура зегьы ашәарҭара иҭанаргылеит. Ишдыру ала,  ҳтәылақәа рхатә проблемақәагьы рымоуп,   ҳтәыла аҵакырадгьыл 20 наӡына Урыстәыла ала импыҵахалоуп,   2008 шықәсатәи еибашьра ҳтәылазы арбгаратә алҵшәа ахылҵит. Убри амшала,  Урыстәыла ҳтәыла аҭоурыхтә ҵакырадгьылқәа,  Аҧсни Самачаблои рхьыҧшымра  азханаҵеит,  сызлацәажәаз ампыҵахалара иахьагьы  инагӡоит, ҳәарада,  ари аганахьала ҳтәыла аҳасабтә ду амоуп,  ҳара уи азы аҭак ҟаҳҵоит ииашоу,  иҟәышу аполитикала. Аҵыхәтәантәи жәашықәса рыла ҳара Қырҭтәыла аҭынчреи,  аҭышәынтәалареи,  аекономикатә аҿиареи аиқәыршәара ҳалшеит», — иҳәеит аҧыза-министр.