Иракли Ҕарибашвили  Америка Жәларбжьаратәи аҿиара агентра Европеи Евразиеи азҵарақәа рзы администратор ихаҭыҧуаҩ дылҧылеит
Иракли Ҕарибашвили  Америка Жәларбжьаратәи аҿиара агентра Европеи Евразиеи азҵарақәа рзы администратор ихаҭыҧуаҩ дылҧылеит

Қырҭтәыла аҧыза-министр Иракли Ҕарибашвили Америка Жәларбжьаратәи аҿиара агентра (USAID) Европеи Евразиеи азҵарақәа рзы администратор ихаҭыҧуаҩ  Ерин Мақии дылҧылеит. 

Аиҧылараҿы хшыҩзышьҭра азун ахадаратә усхкқәа зегьы рҿы Америка Қырҭтәыла иазаанарҧшуа адгылара. Ишазгәаҭаз ала, сынтәа Қырҭтәылеи Америкеи рыбжьара адипломатиатә еизыҟазаашьақәа рышьақәыргылара инаркны  30 шықәса аҵра азгәарҭоит, абарҭ 30 шықәса рыҩныҵҟала, Америка, еиуеиҧшым апрограммақәа рыла, алагала ду ҟанаҵеит Қырҭтәыла адемократиатә институтқәа рырҕәҕәареи, аекономикатә азҳареи, Қырҭтәыла евроатлантикатә ҽазышәарақәеи рҿы.  

Аиҧылараҿы ишазгәаҭаз ала,  Қырҭтәыла Америказы арегионаҿ зегьы реиҳа узықәгәыҕша партниорс иаанхоит, Қырҭтәыла ари апартниорра иаҳа арҕәҕәара иазыхиоуп.

Аиҳабыра радминистрациаҿы имҩаҧгаз аиҧылара рхы аладырхәит Қырҭтәыла иҟоу Америка ацҳаражәҳәаҩ Келли Дегнани, USAID амиссиа адиректор Џьон Пенели, USAID администратор ихаҭыҧуаҩ лыцхырааҩ Алеқс Соколовски, администратор ихаҭыҧуаҩ лыцхырааҩ ҷыда Филип Џьотевски, Қырҭтәыла иҟоу Америка ацҳаражәҳәарҭа аполитика-економикатә аҟәша аиҳабы ихаҭыҧуаҩ Аарон Руперти. Қырҭтәыла аган аҟынтә аиҧылара далахәын аиҳабыра радминистрациа аиҳабы Реваз Џьавелиӡе.