Атәылахьчареи ашәарҭадареи азҵаарақәа рзы апарламенттә комитет ахантәаҩы  Иракли Бераиа Қырҭтәыла иҟоу Евроеидгыла ацҳаражәҳәаҩ Павел Герчински диҧылеит.

Апарламент апресс-маҵзура адыррала, аиҧылараҿы аганқәа рхаҭарнакцәа арегионаҿ ашәарҭадара аҭагылазаашьеи, Украина имҩаҧысуа аибашьреи,  Қырҭтәыла ашәарҭадара аганахьала иҟоу аҳасабтәқәеи, евроинтеграциа апроцесси, атәылахьчареи ашәарҭадареи аусхкы аҿы Қырҭтәылеи Евроеидгылеи русеицуреи иалацәажәеит.

«Евроеидгыла Қырҭтәыла ашәарҭадара аиқәыршәараҿы ароль ду нанагӡоит.  Анаҧшратә миссиа аусура аҵакы ду амоуп ампыҵахалатә цәаҳәаҿы аҭышәынтәалареи ашәарҭадареи ахьчаразы.  Қырҭтәылеи Евроеидгылеи русеицура адинамика бзиоуп. Ари аусеицура иаҳа арҭбаареи арҕәҕәареи ауп ҳара хықәкыс иҳамоу», – иҳәеит Иракли Бераиа.