2024 шықәсатәи еиду абиуџьет аҿы ахарџьқәа рзы иазыԥхьагәаҭан 27 миллиард 800 миллион. Ара иазыԥхьагәаҭан аџьаусԥсеи атәанчахәқәеи реизырҳара,  –  иҳәеит Қырҭтәыла аԥыза-министр Иракли Ӷарибашвили иахьа имҩаԥысыз аиҳабыра реилатәара аҿы.

Аԥыза-министр иажәақәа рыла, 2024 шықәсазы аҳәынҭқарратә усзуҩцәа рџьаусҧса 10%-ла аизырҳара иазыԥхьагәаҭоуп

„ 70 шықәса еиҳаны изхыҵуа атәанчуаа 50 лари рзацырҵоит, ртәанчахә 415 лари иаҟарахоит. Абри акатегориа иаҵанакәа, ашьхаҳаракыратә регионқәа ирықәынхо атәанчуаа 500 лари атәанчахә роуеит. Уажәы ҳтәанчуаа 415 лари инаркны 500 лари аҟынӡа атәанчахә роуеит. Уи ҳаиҳабыра русура иахылҵыз, лабҿаба иубарҭоу алҵшәоуп. 70 шықәса зхымҵыц атәанчуаа ртәанчахә 20 лари ацлоит, зынӡа дара 315 лари атәанчахә роуеит, ашьхаҳаракыратә регионқәа ирықәынхо атәанчуаа 380 лари атәанчахә роуеит“, – иҳәеит Қырҭтәыла аԥыза-министр.