Қырҭтәыла раԥхьӡатәи аофициалтә визитла даҭааит Индиа Адәныҟатәи аусқәа рминистр Субрахманиам Џьаишанкари.

Индиа Адәныҟатәи аусқәа рминистр, Индиа Аԥыза-министр иӡбамҭа инақәыршәаны, Қырҭтәыла ааигеит иԥшьоу агәаҟҩы ду аҳкәажә Қеҭеван  иԥшьоу лыбаҩқәа. Индиа Адәныҟатәи аусқәа рминистр иахьа ихы алаирхәоит иԥшьоу агәаҟҩы ду аҳкәажә Қеҭеван иԥшьоу лыбаҩқәа Самебатәи акафедралтә ныхабааҿ акҿаҵара ацеремониа.

Қырҭтәыла Адәныҟатәи аусқәа рминистра адыррақәа рыла, авизит аҳәаақәа ирҭагӡаны Субрахманиам Џьаишанкари Қырҭтәыла ахада Саломе Зурабишвилии, Аԥыза-министр Иракли Ӷарибашвилии, авице-аԥыза, Қырҭтәыла Адәныҟатәи аусқәа рминистр Давид Залкалиании Аекономикеи иҭышәынтәалоу аҿиареи рминистр Наҭа Ҭурнавеи дырԥылоит.

Иара убас, Индиа Адәныҟатәи аусқәа рминистр ихы алаирхәоит Индиа амилаҭтә ахы ақәиҭтәҩы Маҳаҭма Ганди 150 шықәсатәи ииубилеи инамаданы идыргылаз Ганди ибаҟа аартра ацеремониа. Абаҟа автор иоуп индиатәи аскульптор Гаутам Пали.