Импыҵахалоу Ахалгортәии Џьаватәи амуниципалитетқәа ирықәынхо ауааԥсыра ирзышьақәдыргылаз изакәаным аԥкрақәак раԥыхра иадҳәаланы Аҳәынҭқарратә шәарҭадаратә маҵзура аинформациа аланарҵәоит

17:34, 19.08.2022

Қырҭтәыла иҟоу Евроеидгыла анаԥшратә миссиа (EUMM) изхалаԥшуа ацәаҳәа ҷыдала иҳауз адырра инақәыршәаны, импыҵахалоу Цхинвали ахырхарҭала ампыҵахаларатә цәаҳәа ахысразы ишьақәгылаз изакәаным пкрақәак аԥыххоит, – иануп Аҳәынҭқарратә шәарҭадаратә маҵзура аинформациа аҿы.

Аҳәынҭқарратә шәарҭадаратә маҵзура аҟынтә ишаарыцҳаз, импыҵахалоу Ахалгортәии Џьаватәи амуниципалитетқәа ирықәынхо ауааԥсыра есымза арыцхә 20 инаркны 30-нӡа аужьратә пунктқәа рыла ампыҵахаларатә цәаҳәа ахысра рылшахоит.

“Ацәаҳәа ҷыдала иҳауз адыррақәа рыла, ампыҵахаларатә цәаҳәала аиасратә режим амч амоуп 2022 шықәса ԥхынҷкәын 31-нӡа“, – иануп аинформациа аҿы.

аконфликтқәа