Импыҵахалоу Аԥсны де-факто аԥыза-министр Валери Бганба ишааицҳаз ала, Аԥснынтәи Урыстәылаҟа ацитрусқәа ралгара аанкылоуп, – арыцҳаит урыстәылатәи аихқәа.

Бганба иажәақәа рыла, амандаринақәа апаразитқәа ԥырхага рырҭеит ҳәа Аԥсны асанитартә маҵзура урыстәылатәи аган ахарадҵарақәа ирықәшаҳаҭым.

Урыстәылатәи аҳәынҭқарратә агентра “Риа новости” ишаанацҳаз ала, Урыстәылаҟа амандаринқәа рекспорт аԥсуа фермерцәа ашьаҭатәи хашәала хыҵхырҭа ауп. Сынтә импыҵахалоу Аԥснынтә Урыстәылаҟа 36 нызқь тонна амандарина рышьҭыр акәын.

Ателеграмканалқәа рҿы аларҵәара зауз адыррақәа рыла, асакнкциақәа ршьақәыргылара  урыстәылатәи аган дрыҳәеит импыҵахалоу Аԥсны ԥасатәи ахада Аслан Бжьаниа.

Кремльтәи ахыҵхырҭақәа рдыррақәа рыла, анапхгарахь ахынҳәразы,ари ала Бжьаниа импыҵахалоу Аԥсны акризис арцәгьара иҭахуп.

Импыҵахалоу Аԥсны аҩныҵҟатәи аполитикатә ҭагылазаашьа еицәахеит аинвестициатә усмҩаԥгатәқәа рзы Аԥсни Урыстәылеи реиқәшаҳаҭра ашьақәырӷәӷәара азҵааразы Апарламент аилатәара анахырга ашьҭахь. Аҿагыларатә акциа алахәылацәа дҵаны иқәдыргылоит атәыла ахада инапынҵақәа рышьҭаҵареи аҽҳәараиаанӡа алхрақәа рымҩаԥгареи.

Импыҵахалоу Аԥсны де-факто ахада Аслан Бжьаниа инапынҵақәа шьҭеиҵарц акәхеит,  ахада изаамҭаным иалхра мҩаԥысроуп 2025 шықәса жәабранмза 15  рзы.