«Сара ауаа сырҭынчыр сҭахуп, Қырҭтәыла авизалиберализациа аганахьала аԥкрақәа шьақәгылаӡом, ари ахырхарҭала арискқәа ҳамам», — иҳәеит Қырҭтәыла Адәныҟатәи аусқәа рминистр Илиа Дарчиашвили.

Дарчиашвили иажәақәа рыла, Қырҭтәыла евроинтеграциа – иузмырхынҳәуа процессуп.

«Аҵыхәтәантәи аамҭазы абри еиԥш арезолиуциақәа аполитикатә мотивациа рыман, урҭ хықәкы хадас ирыман ҳтәыла арепутациа ԥхасҭатәра, ҳтәыла еропатәи аԥеиԥш аԥырхагахара. Қырҭтәыла евроинтеграциа – иузмырхынҳәуа процессуп. Есышықәса ҳара ҳхыдҵақәа рынагӡара иазку аҳасабырбақәа аус ҳрыдааулоит, Қырҭтәыла ахыдҵақәа ишахәҭоу еиԥш нанагӡоит. Сара ауаа сырҭынчыр сҭахуп, Қырҭтәыла авизалиберализациа аганахьала аԥкрақәа шьақәгылаӡом, ари ахырхарҭала арискқәа ҳамам», —иҳәеит Дарчиашвили.

Европарламент Қырҭтәыла иадҳәаланы арезолиуциа апроект аднакылеит. Арезолиуциа апроект ишану ала,  «Атәым анырра аартызаара иазку» азакәан Евроеидгыла алаларазы акандидат тәыла аҳасабала  Қырҭтәыла ахы иаднаҵаз аҧхықәрақәа ирышьашәалам. Европатәи апарламент «Атәым анырра аартызаара иазку» азакәанпроект  аҩынтәраан апарламентаҿ ацәыргара афакт иааҧҵәаны иақәыӡбоит, избанзар, дара ргәаанагарала,  ари азакәанпроект атәылауаҩратә уаажәларреи ихьыҧшым АИХқәеи рхы иақәиҭны аусураҿы ирҧырхагахоит.