Қырҭтәыла Адәныҟатәи аусқәа рминистр Илиа Дарчиашвили Кавказ азҵаарақәа рзы ЕАШ аҳәынҭдепартамент абжьагьаҩ Луис Боно диԥылеит, – аарыцхаит Қырҭтәыла Адәныҟатәи аусқәа рминистрра аҟынтә.

Аусҳәарҭа аинформациа ала, аиԥылараҿ Қырҭтәыла арегионқәа – Аԥсни Цхинвалтәи арегиони рҿы ашәарҭадареи, агуманитартәи ауаҩытәыҩса изинқәеи рганахьала Урыстәыла ампыҵахалара иалҵшәаны ишьақәгылаз аҭагылазаашьа цәгьа иахцәажәеит.

“Иазааҭгылеит Женеватәи жәларбжьаратәи аиҿцәажәарақәа рдинамика, ЕАШ-и Луис Бонои арҭ апроцессқәа апозитивтә рҽалархәра азҵаара.

Урыстәыла-Қырҭтәылатәи аимак аҭынч мҩала аҭыԥқәҵара апроцесс аҿы Евроеидгыла амедиациала 2008 шықәса нанҳәа 12 рзы ибжьаҵаз ахымца аанкылара иазку аиқәшаҳаҭрала иазыԥхьагәаҭоу аҭакԥхықәрақәа Урыстәыла шынанамгӡо.

Илиа Дарчиашвили Луис Боно иҭабуп ҳәа иаиҳәеит Урыстәыла-Қырҭтәылатәи аимак аҭынч мҩала аҭыԥқәҵара апроцесс аҿы ЕАШ алагала ду азы”, – иануп аинформациа аҿы.