«Давос имҩаҧысраны иҟоу апаннельтә дискуссиаҿы Иракли Ҕарибашвили европатәи ҳпартниорцәа рзы аинтерес зҵоу ацҳамҭақәа ҟаиҵоит», — иҳәеит Қырҭтәыла  адәныҟатәи аусқәа рминистр Илиа Дарчиашвили,  иара аҧыза-министр дицны,  Давостәи Адунеизегьтәи аекономикатә форум далахәып.

Дарчиашвили иажәақәа рыла,  аҧыза-министр  аекономикатә ганахьала Қырҭтәыла инанагӡо ароль ду далацәажәоит.

«Қырҭтәыла аҧыза-министр Швеицариа иусуратә визит инагӡоит. Давос  еиуеиҧшым атәылақәа рлидерцәа ҳарҧылоит.  Аамҭакала, жәларбжьаратәи абизнес-еилахәырақәа рҟны аинтерес зҵоу адиалог мҩаҧаагоит. Иара убас, аҧыза-министр, Давостәи аекономикатә форум аҳәаақәа ирҭагӡаны имҩаҧысуа апаннельтә дискуссиа ихы алаирхәоит. Уаҟа ҳтәыла апотенциали, Ацентртә Азиеи Аахыҵ Кавкази Европеи рыбжьара аимадара аиқәыршәареи иалацәажәоит.   Ари аганахьала ҳтәыла аҵаки ароли иаҳа ишьҭыҵуеит. Давос имҩаҧысраны иҟоу апаннельтә дискуссиаҿы Иракли Ҕарибашвили европатәи ҳпартниорцәа рзы аинтерес зҵоу ацҳамҭақәа ҟаиҵоит», — иҳәеит  Илиа Дарчиашвили.