«Амилаҭтә хыхьчара авторизациа иазку акт адкылара даҽазнык ишьақәнарҕәҕәоит Америкеи  Қырҭтәылеи рстратегиатә партниорра шыҕәҕәоу», — иҩит Қырҭтәыла адәныҟатәи аусқәа рминистр Илиа Дарчиашвили Facebook иофициалтә даҟьаҿы.

Иара иажәақәа рыла, Америка Қырҭтәыла иахәаҧшуеит азеиҧш европатәи евроатлантикатәи шәарҭадара иаҵанакәа хәҭак ҳасабала, дара Қырҭтәыла ашәарҭадара арҕәҕәаразы аконкреттә шьақәа ҟарҵоит, Қырҭтәылаҟны астратегиатә партниорра дырҕәҕәоит.

Америка Ахаҭарнакратә палата ишьақәнарҕәҕәеит Америка амилаҭтә хыхьчара авторизациа иазку акт, уи аҿы иҳәаақәҵоуп  2023 шықәсазы Америка Атәылахьчара аминистрразы ахадаратә ҵакы зауа аполитикатәи абиуџьеттәи приоритетқәа.

Қырҭтәыла Адәныҟатәи аусқәа рминистрра адыррала,  азакәанпроект аҿы Қырҭтәыла адгылара иазку крызҵазкәа анҵамҭақәа ҟаҵоуп.