«Агәра ганы сыҟоуп ҳпатниорцәа ишеилыркаауа  абри аҩыза аҽалагалареи лассы-лассы иаабо ҳаҭырдарала ҳазныҟәареи  ҳшақәшаҳаҭымхо», – иҳәеит Қырҭтәыла адәныҟатәи аусқәа рминистр Илиа Дарчиашвили.

«Европатәи адепутатцәа рвизит иадҳәаланы апарламент ахантәаҩы иҟаиҵаз аҳәамҭа саҳаит, ипозициа сақәшаҳаҭуп. Ҳара ишеилаҳкаауа ала, апартниорра – ҳпартниорцәа иаҳҳәо иазыӡырҩны, ҳтәыла проблемақәас иамоу еилкааны, иахәҭоу аихшьаала аныҟарҵо процессуп», – иҳәеит Дарчиашвили.

Аминистр иаҵшьны иазгәеиҭеит Қырҭтәылеи уи анапхгареи еснагь аконструктивтә диалог ишазыхиоу.

«Агәра ганы сыҟоуп абас, ихжәаны, ҳтәыла аҩныҵҟатәи аусқәа зҽалазгало ауааҧсыра мышкы зны ишеилыркаауа  ҳара аизыҟазаашьақәа рзы абри аҩыза аформа ҳшақәшаҳаҭымхо. Еиҭасҳәар сҭахуп, ҳара еснагь аконструктивтә диалог ҳазыхиоуп.  Убри аҟынтә, ҳара, еснагь, ҳпартниорцәа иаартны, ламысла рацәажәара ҳазҿлымҳауп», – иҳәеит Қырҭтәыла адәныҟатәи аусқәа рминистр.

Иара убас, Илиа  Дарчиашвили ишазгәеиҭаз ала, Қырҭтәыла аргументқәа разыӡырҩра иазыхиоу апартниорцәа рацәа амоуп.