«Агәылара иҟоу атәылақәа ирыдҳәаланы Қырҭтәыла адәныҟатәи аполитика абаланс зызу аизыҟазаашьақәа рышьақәыргылареи зегьы ирзыфеидоу аусеицуреи ахь ахы рхоуп», — иҳәеит Қырҭтәыла адәныҟатәи аусқәа рминистр Илиа Дарчиашвили «аминистр исааҭ» аформатаҿ апарламентаҿ данықәгылоз.

Иара иажәақәа рыла, Қырҭтәыла активла аус ауеит арегионаҿ аҭынчреи аҭышәынтәалареи арҕәҕәаразы.

«Ҳара арегионаҿ аҭынчреи, аҭышәынтәалареи, аигәылареи, аекономикатә аҿиареи ацхраароуп хықәкыс иҳамоу, ари ахырхарҭала активла аус аауеит.  Аҭынчратә аигәылара аинициатива аҳәаақәа ирҭагӡаны, Қырҭтәыла акрызҵазкәа ашьаҿақәа ҟанаҵеит ҳгәылара иҟоу 2 ҳәынҭқаррак рыбжьара аконструктивтә диалог амҩаҧгаразы. Наҟ-наҟгьы ари апроцесс алахәызаара ҳазыхиоуп, избанзар, Қырҭтәыла, арегионаҿ аҭынчреи аҭышәынтәалареи аиқәыршәаразы ахатә традициатә роль нанагӡоит ҳәа ҳгәы иаанагоит», — иҳәеит  Илиа  Дарчиашвили.