«Аҵыхәтәантәи ашықәсқәа рзы ақырҭуа-венгриатә еизыҟазаашьақәа аимпульс ду роуит,  ҳаимадарақәа рырҭбаареи астратегиатә партниорра ашьақәыргылареи  аганахьала апрогресс ду ҳамоуп.  Уажәазы ҳаизыҟазаашьақәа зеиҧшҟамлац ала иҕәҕәоуп», — иҳәеит Қырҭтәыла адәныҟатәи аусқәа рминистр Илиа Дарчиашвили Венгриа адәныҟатәи аусқәа рминистр  Петер Сииартои иареи еицымҩаҧыргаз абрифинг аҿы.

Дарчиашвили ишиҳәаз ала, иколлега даниҧылоз,  еиуеиҧшым азҵаарақәа ирылацәажәеит,  аусхкқәа рацәа рҿы апартниорра арҕәҕәара азҵаарагьы уахь иналаҵаны.

«Еиуеиҧшым аусхкқәа рҿы ҳпартниорра шҳарҕәҕәаша ҳалацәажәеит. Иахьа ҳара аконкреттә алҵшәа ҳамоуп,  Қырҭтәыла аиҳабыреи Венгриа аиҳабыреи рыбжьара аинвестициақәа рыхьчара иазку аиқәшаҳаҭра ҳнапы аҵааҩит, уи абзоурала,  ахәаахәҭра-економикатә еизыҟазаашьақәа рырҭбаара ҳалшоит.

Ишыжәдыруа еиҧш,  Венгриа Қырҭтәыла априоритетқәа ирыдгылоит,  ҳара уи иҳаракны ахә ҳшьоит.  Иара убас,  аминистр ҭабуп ҳәа иасҳәоит  Будапештҟа ааҧхьаразы. Ари афакгьы  даҽазнык иаанарҧшуеит Венгриа Қырҭтәылеи уи адәныҟаполитикатә хырхарҭеи ишадгыло“, — иҳәеит Илиа  Дарчиашвили.