Қырҭтәыла акатоликос-патриарх, Мцхеҭеи Қарҭи рархиепископ, Цхәым-Аԥсни Пицундеи рмитрополит Илиа аҩбатәи Қьырсаныҳәазтәи иепистола.

Қырҭтәыла аиашахаҵаратә уахәама ахаҭарнакцәеи, Ивериа ауааԥсыреи, аҳәаанырцә инхо ҳтәылауааи рахь:

«Иаса Қьырса иҟны аԥсҭазаара адоухаҭ закәан иабзоураны агәнаҳеи аԥсреи рхакәан аҟынтә схы иақәиҭуп» (аурысцәа рахь 8:2).

Ҳашьцәеи ҳаҳәшьцәеи, Қьырса диит!

Иҳақәиҭу Иаса Қьырса диит! – «Зегьы иара ила иҟалеит, иара ида акгьы ҟамлаӡеит» (Иоанн 1:3). Аха амаалықь ус реиҳәеит: «ауаа зегьы агәырӷьара ду рзаазго агәырӷьаҿҳәаша жәабжь шәасҳәарц азоуп сзааз. Иахьа Давид иқалақь аҿы диит шәеиқәырхаҩ, Ишәықәиҭу Христос » (Лука 2:10-11). Ҳуадаҩрақәа зегьы иаҳхашҭуеит ари агәырӷьара иабзоураны, уи ала ҳгәаҟрақәа, ҳамчыдара, ахьаа, алахьеиқәҵара ариааира ҳалшоит.

Гәык ала аҟазаара, ҳабзиабара, ҳгәы азыҳәара ауп ҳаиқәзырхо, Анцәа иахь ҳазго.

Егьырҭ ауасиаҭқәа рыбжьара, Иҳақәиҭу зегь реиҳа ихадоу иуасиаҭ иаҳхамшҭроуп: «Сара аԥҟара ҿыц шәысҭоит: аӡәи-аӡәи бзиа шәеибабала. Сара бзиа шәшызбо еиԥш, убас шәаргьы бзиа шәеибабала» (Иоанн 13:34).

Абас мацара иҳалшоит ҳаԥсҭазаараҿ зегь реиҳа идуӡӡоу аџьшьахәы анагӡара – ҳагәқәа рҟынтә аегоизм алцреи, ҳгәы ҳ-Анцәа ҳамҭас иҭареи. Абас ала Ажәҩан иҟоу аҳра атәылауаҩра аиура ҳалшоит.  «Сара ашә соуп. Сара сыла иҭало деиқәхоит. Иара дҭалоит, дҭыҵуеит, аҳәырҭагьы иԥшаауеит. » (Иоанн 10:9) — ҳәа иҳаиҳәоит Иаса Қьырса.

Иахьа Қьырса адгьыл аҿы дииуеит, агәра зго рыԥсҭазаараҿ алашара ааигоит.

«Анцәа иалихыз жәларуп, ԥшьаҩцәас амаҵ зуа аҳцәа шәоуп, иԥшьоу ажәлар шәоуп, лымкаала Анцәа иитәхаз ауаа шәакәхеит», алашьцара аҟынтә зеиԥшыҟам алашарахь шәаазыԥхьаз «иҟазшьа ссирқәа рыӡбахә зехьынџьара еиҭашәҳәаларц азы». (1 Пиотр 2:9)

Анцәа Иан лныҳәарала ҳагәнаҳақәа ҳаҭеимҵааит, апостол Пиотр иажәақәа нагӡахааит.

Гәык ала ишәзыҟоу

Илиа аҩбатәи

Қырҭтәыла акатоликос-патриарх

Қарҭ

Қьырса ныҳәа, 2024-2025 шш.