Азербаиџьан ахада Илҳам Алиев ишиҳәаз ала, Қырҭтәылеи Азербаиџьани рыбжьара аидараеикәшара азҳаит  75%-ла.

«Иазгәасҭар сҭахуп,  аихамҩатә транспорт  — Бақәа – Қарҭ-Ҟарс  5 миллион тонн аидара амҩангаразы ахархәара амазароуп, иааиуа ашықәс азы ари ахырхарҭа иаҳа ирацәаны аҧара алаҳҵоит. Ари акорридор ҳхы иаҳархәар ҳҭахуп Каспиатәи амшыни, Азербаиџьани, Қырҭтәылеи ирылсны Европаҟа аидара анагаразы, иара убас, амаршрут ҿыцқәа рырҿиара ҳазҿлымҳауп», — иҳәеит  Илҳам Алиев.

Иара иажәақәа рыла,  Бақәа-Қарҭ-Ҟарс ахырхарҭа аҿиареи Абжьаратә Азиантә Европаҟа аидара амҩангаразы ақырҭуа абаҕәазақәа рхархәареи  атәылақәа зегьы ринтересқәа ирыҵанакәеит.

«Атранспорттә мчы аизырҳаразы ҳгәылацәеи ҳареи ҳаизыҟазаашьақәа ҕәҕәазароуп, ҽакала зыгәра угаша атранзиттә тәылас узыҟалом.  Қырҭтәыла асахьала ҳара аҩызеи,  агәылеи,  апартниори дҳамоуп.  Инеизакны иуҳәозар,  аенергохархәагақәа рзы аҭахра шазҳаз иазҧхьагәаҭаны,  Қырҭтәылеи Азербаиџьани  фронтк аҿы иҟоуп,  ҳмилаҭтә интересқәеи  аешьаратә жәлар ринтересқәеи абри аҩыза аизыҟазаашьақәа рышьаҭала ихьчазароуп,  адунеи зегьы хырҳагара азаазгаша аизыҟазаашьақәа рышьаҭала,  ҳара ари ахырхарҭала аусеицура наҳагӡоит.  Абри зегьы ҳалшоит ҳаиҩызареи,  ҳажәларқәеи,  ҳтәылақәеи урҭ рлидерцәеи  рҟынтә иҳамоу адгылареи абзоурала. Сара уи еиҧш алшара шыҟоу збоит,  Қырҭтәыла аҧыза-министр ҭабуп ҳәа иасҳәоит абри аҭыҧ ссир ашҟа сахьааиҧхьаз азыҳәан.   Аиҩызаратә аешьаратә жәлар наӡаӡа мышхәыбзазара рзеиҕьасшьоит», —  иҳәеит Илҳам  Алиев  Қырҭтәыла аҧыза-министр Иракли Ҕарибашвилии иареи еицымҩаҧыргаз апресс-конференциаҿы.