Аибашьра хьшәашәа ашьҭахь Урыстәылаҟны аҭынчратә аизыҟазаашьақәа ҳҭахын, аха ари ацәыӡит Қырҭтәылеи, Аллепои, Ҟрыми, Донбаси Путин иааирԥшыз агрессиа ашьҭахь, – иҳәеит Нато амаӡаныҟәгаҩ хада Иенс Столтенберг.

“Украина зымҽхак ҭбаау ажәылара ашьҭахь Урыстәылаҟны аконструктивтә аусеицуразы иаҳзаанхаз аиллиузиақәа зегьы иаҳцәыӡит. Уажәы аҭоурых аҽыԥсахратә момент аҿы ҳаҟоуп.

Нато аҿы Урыстәыла агрессиа џьашьатәыс иҳамбеит, избан акәзар 2021 шықәсазы аурыс ар арӷәӷәара иазкыз аԥшыхәратә дыррақәа ҳаман“, – иҳәеит Столтенберг.

„Ҳахиан, избан акәзар Украина ажәылара аплан иалан. Ари аплан анагӡара Чечентәылантә иалагеит ҳәа иҳҳәар ҳалшоит, аха иалагеит 2008 шықәсазы Қырҭтәыла ақәлара ала. Уи ашьҭахь агәымбылџьбаратә аибашьра Шьамтәылаҿ. Уи ашьҭахь аибашьра Украинаҿ, уи ҵыԥх акәӡам ианалага, уи 2014 шықәсазы иалагеит.

Усҟан ауп Ҟрым рнапахьы анырга. 2014 шықәса рышьҭахь Нато арӷәӷәара алагеит, ахада Путин адырра иаҳҭеит Нато аҵакырадгьыл асантиметр цыԥхьаӡа ахьчара ҳшазыхиоу”, – иазгәеиҭеит Нато амаӡаныҟәгаҩ хада.