ЕАШ Сенат алагалоуп Амшын еиқәа арегион, Қырҭтәылагьы налаҵаны,  ашәарҭадара арҕәҕәара ацхраара иазку азакәанпроект — «Амшын еиқәа ашәарҭадара иазку  2023 шықәсатәи акт».

Адокумент авторцәоуп Ареспубликатә партиа аҟынтә аконгрессменцәа, урҭ рыгәҭа Џьин Шаҳини,  Митт Ромни, Бен Кардини, Дик Дурбини егьырҭгьы.

Азакәанпроект аҿы ишазгәаҭоу ала, Амшын еиқәа арегион ашәарҭадара аҵакы ду амоуп Америка амилаҭтә шәарҭадареи, иара убас, европатәи аглобалтәи шәарҭадареи азы, ҷыдала, Украина имҩаҧысуа аибашьра афонаҿ.

Азакәанпроект ала иазҧхьагәаҭоуп НАТОи Евроеидгылеи рҟны акоординациала Амшын еиқәа арегионаҿ Америка адәныҟатәи аполитика активизациеи Амшын еиқәа арегион атәылақәеи Америкеи рыбжьара аекономикатә аимадарақәа рырҕәҕәареи.

Лымкаала, азакәанпроект ала иазҧхьагәаҭоуп Қырҭтәылеи, Ҭырқәтәылеи, Украинеи, Румынтәылеи, Молдовеи, Болгариеи рзы ацхыраара аизырҳара.   Араҟа азеиҧш амилаҭцәараратә штаб аиҿкаара иалацәажәоит, уи аҭак аҧхықәзаауеит арратә азыҟаҵарақәа рпланшьҭыхреи, Амшын еиқәа арегионаҿ Америка адгылаҩцәеи  апартниорцәеи рырратә ауранагӡара акоординациеи, урыстәылатәи адезинформациа иаҿагыло ақәҧара арҕәҕәареи, уб. егь..

Азакәанпроект инақәыршәаны,  уи анышьақәдырҕәҕәалак ашьҭахь,  180 мшы рыҩныҵҟала, Америка администрациа  ицәырыргароуп Америка ацхыраара аизырҳара аусбарҭабжьаратә стратегиа.

Иара убас, азакәанпроект инақәыршәаны, Америка Аҳәынҭқарратә департамент ачынуаа, шықәсакала ҩынтә адымхаргьы, Амшын еиқәа арегион иаҭаароуп.

Уажәазы зыӡбахәы ҳәоу азакәанпроект ЕАШ Сенат жәларбжьаратәи аизыҟазаашьақәа рзы акомитетаҿ иахәаҧшуеит.