Саломе Зурабишвили  апартиа «Лело» аҟны аҧара иадҳәаланы ахәаахәҭра даҿуп,  «Лело» иаҳа ирацәаны аҧара лырҭароуп, — иҳәеит   «Гирчи» алидерцәа иреиу Иаго Хвичиа.

Иара иажәақәа рыла, Саломе Зурабишвили аҧара лзацырҵар,  лара Мамука Хазараӡе иҿеиҵо акәашара налыгӡоит.

«Ахада Саломе Зурабишвили апартиа  «Лело» аҟны аҧаразы ахәаахәҭра даҿуп,  лара иҟалҵо,  зҵакы еилкаам аҳәамҭақәа рыла иубарҭоуп  «Лело» лара аҧара лзацҵара шахәҭоу. «Лело» акаҷбеира аанарҧшит,     егьырҭ амиллиардерцәа ирҿаҳарҧшыр,  «ТВ Пирвели»   ажурналистцәагьы уажәгьы ирҳәаша рзеилымкааит,  зны-зынла абоикотгьы иалацәажәоит. Абри зегьы излауа ала ирласны иаҧыхтәуп ҳәа сгәы иаанагоит,    «Лело» Саломе Зурабишвили аҧара лзацырҵароуп,  нас,  лара Хазараӡе иҿеиҵо акәашара налыгӡоит. Уажәы лара Хазараӡе дицкәашарц азыҳәан иахәҭоу аҧара лзыршәом», — иҳәеит Иаго Хвиачиа.