Германтәыла ахада иҳәамҭала,  Германтәыла  Шәамахьтәыла  иацхраауеит Евроеидгыла азааигәахара апроцессаҿ. Франк-Вальтер Штаинмаиер  ари аҳәамҭа ҟаиҵеит визитла Шәамахьтәыла даныҟаз, уаҟа иара иколлега диҧылеит.

«Шәамахьатәыла ацхраара ҳалагахьеит. Раҧхьа иргыланы, заанаҵтәи апроцедурақәа иалагеит, иара убас, апартниорра аусхәаҧштә аус адааулоит. Уи азы ҳанеиқәшаҳаҭхалак ашьҭахь, аусеицура ҳалагароуп», — иҳәеит Германтәыла ахада Ереван имҩаҧгаз апресс-конференциаҿы.

Иара ишиҳәаз ала, Евроеидгыла азааигәахаразы, Шәамахьтәыла ареформақәа рымҩаҧгара ахырхарҭала аусура ду мҩаҧнагароуп.

Шәамахьтәыла ахада  Ваан Хачатуриан ишиҳәаз ала, Шәамахьтәыла Евроеидгыла алалара иазҿлымҳауп.

«Ҳара Евроеидгыла ҳалазар ҳҭахуп. Шәамахьтәыла уи иақәшаҳаҭым аӡәы дыҟоуп ҳәа сгәы иаанагом», — иҳәеит Шәамахьтәыла ахада.

Хәажәкыра  26 рзы Шәамахьтәыла апарламент, аҵыхәтәантәи аҧхьарала иаднакылеит  «Шәамахьтәылатәи ареспублика Евроеидгылашҟа алалара апроцесс алагара иазку» азакәан.