“Амилаҭтә ҵысра” ԥасатәи ахантәаҩы Гьыргәал Вашаӡе Шарль Мишель идокумент инапы аҵаиҩит.

Авидеонҵамҭа аладырҵәеит Қырҭтәыла иҟоу Евроеидгыла ахаҭарнакра аусуҩцәа.

Гьыргәал Вашаӡе инапынҵақәа шьҭеиҵеит ԥхынҷкәын 15 рзы. ” Ари ашьаҿа аҟаҵара даара исцәыуадаҩуп, аха ԥсыхәа сымам. 2017 шықәса ажьырныҳәа инаркны ԥшьышықәса ирылагӡаны апартиа апозициақәа рырӷәӷәареи арҭбареи, Қырҭтәылаатәылауаа рҟынтә анапхгарахь ахынҳәразы амандат аиуразы исылшоз зегь ҟасҵон. Иҟаҳҵас рацәоуп ҳәа сгәы аанагоит, аха сара азы адкылашьа змам афактқәа аарԥшит. Апартиа астратегиа сақәшаҳаҭым.

Астратегиатә ҳпартниорцәа, адипломатиатә миссиақәа рнапхгаҩцәа раҳаҭыр аларҟәреи иаҭәашьам ахымҩаԥгашьеи рыдгылара сылшом, ари саҿагылоит,” – иазгәеиҭеит Вашаӡе инапынҵақәа аншьҭеиҵа.

Мшаԥы 19 рзы Орбелианиаа рхан аҿы, Шарль Мишель апартиақәа ирыдигалаз адокумент анапаҵаҩра мҩаҧысит.

«Европатәи Қырҭтәылеи»  «Иаку амилаҭтә ҵысреи» рыда, егьырҭ апартиақәа зегьы адокумент рнапы аҵарҩит. Адокумент рнапы аҵарҩит: Давид Бақраӡе, Алеко Елисашвили, Бадри Џьаԥариӡе, Зураб Џьаԥариӡе, Мамука Хазараӡе, Вахтанг Мегрелишвили, Шалва Папуашвили, саломе Зурабишвили, Хаҭуна Самниӡе, Арчил Ҭалакваӡе, Гиорги Вашаӡе.

Адокумент анапаҵаҩра ацеремониа рхы аладырхәит ЕАШ ацҳаражәҳәаҩ Келли Дегнани Евроеидгыла ацҳаражәҳәаҩ Карл Ҳарцели.

Шарль Мишель апартиақәа ажәалагала ҿыц рыдигалеит. Адокумент ҿыц инақәыршәаны, аҭыҧантәи ахаланапхгараҭарахь алхрақәа рҿы  анапхгаратә партиа  апропорциатә сиақәа рыла 43% еиҵны ироур,  2022 шықәсазы изаамҭаным апарламенттә алхрақәа мҩаҧгахоит.