«Лари акурс иадҳәаланы иахьа Амилаҭтә банк, аинтервенциа мҩаҧганы,  иаанацҳаит  абарҭ атранзакциақәа зныктәи аҟазшьа шрымоу, аоперациақәа абаланс рзура амзызла,  иахьа авалиута рҭиит. Ҳара абарҭ аоперациақәа рҿы Амилаҭтә банк агәра ҳгоит», — иҳәеит афинансқәа рминистр ихаҭыҧуаҩ Гьаргь  Какауриӡе.

Иара иажәақәа рыла, Амилаҭтә банк  аилахәырақәа иқәдыргыло аҳәарақәеи аҧхықәрақәеи ирызкны аинформациа  наӡа  амоуп.

«Иаҭаххар,  атәыла абри аҩыза зныктәи аоперациақәа рынагӡаразы иаҭаху арезервқәа амоуп. Аилахәыра дуқәа аконкреттә аҳәарақәа рымоуп,  арҭ аҳәарақәа нагӡатәуп. Ахәқәа рацлара иадҳәаланы азҧхьагәаҭара ҿыцқәа цәыраагахьеит.  Абжьаратә инфлиациа хықәкылатәи арбага аасҭа илаҟәхоит,   2,5 наӡына рҳәаақәа ирҭыҵуам ҳәа ҳгәы иаанагоит», — иҳәеит аминистр ихаҭыҧуаҩ.