«Сара уаанӡагьы, анеитралтә платформазы аиқәшаҳаҭра анҳалымша,  аиҿцәажәарақәа хсыркәшар акәын», — иҳәеит апартиа  «Қырҭтәылазы» ахантәаҩы Гьаргь Гахариа иахьа имҩаҧгаз абрифинг аҿы. Иара ипартиеи  «Лелои» реиҿцәажәарақәа зыҟамлаз амзызқәа дрылацәажәеит.

Гьаргь  Гахариа ишиҳәаз ала, иара иоуп аиҿцәажәарақәа рҿы акәаҧ зыргылаз.

«Зегьы раҧхьа иазгәасҭар сҭахуп алхрақәа раанӡа абас аамҭа анмаҷу аиҿцәажәарақәа ралагара шиашамыз. Мчыбжьык ашьҭахь Алхратә комиссиа хада асиақәа аҳҭароуп. Аха,  егьи аганахьала,   атәыла ахада лажәалагала мап ацәкра ҟаломызт.  Сара уаанӡагьы, анеитралтә платформазы аиқәшаҳаҭра анҳалымша,  аиҿцәажәарақәа хсыркәшар акәын. Сара анеитралтә платформа азҵаара иадҳәаланы  акомпромисс сазыхиан, аха, егьи аган аҟынтә аҧсыцәгьара збеит, убри аҟынтә, аиҿцәажәарақәа алҵшәа рхылымҵит», — иҳәеит Гахариа.

Иара убас,  Гахариа Мамука Хазараӡе дыззықәшаҳаҭымхазгьы иҳәеит.

«Анеитралтә  платформа — иара ишиҳәаз ала,  «Лело» амиллионқәа рацәа алеиҵеит, убри аҟынтә анеитралтә платформа зыҟалом ҳәа иҳәеит.  Аӡбарақәа рыдкыларазы ииашоу апаритеттә принцип  —  ишазгәаҭаз ала, акаолициеи асубиектқәа рацәеи иҟоуп, асубиектқәа реимадара  уажәгьы еилкаам; «Ақырҭуа гәахәтәи», иара убас  «Амилаҭтә ҵысреи» рҟны акаолициа ақәиҭымтәра апринцип.

Ҳара атәыла аинтересқәа еснагь иаҳа иҳаракны иқәҳаргылон. Ҳара апартиа, апартиатә номер уҳәа, зегьы мап ацәаҳкит,  аха, егьи аган аҟынтәи аҧсыцәгьароуп иаабаз. Убри аҟынтә, ари апроцесс ахықәкы хада иацәыхарахеит.  Убри аҟынтә, ҳара, ахықәкы хада анагӡаразы иаҭаху аҭагылазаашьақәа ҳарзыхынҳәуеит, аргама иааҳацҳауеит абарҭ азҵаарақәа рынагӡара ҳшазыхиоу: 1. Анеитралтә политикатә платформа, уи зегьы ирзыманшәалоуп ҳәа ҳгәы иаанагоит; 2. Аӡбарақәа рыдкыларазы иашоу апаритеттә принцип; 3. «Ақырҭуа гәахәтәи», иара убас  «Амилаҭтә ҵысреи» рҟны акаолициа ақәиҭымтәра апринцип», — иҳәеит  Гахариа.