Сара спартиа атәыла ахадеи апрезиденттә институти ирыдгылоит,  ҳара изныкымкәа иҳҳәахьеит аҩбатәи аҿҳәарала атәыла ахадас лалхра ҳшақәшаҳаҭу», — иҳәеит апартиа  «Гахариа Қырҭтәылазы» алидер Гьаргь Гахариа.

Гахариа Қырҭтәыла ахада Саломе Зурабишвили иҟалҵаз аҳәамҭа иазкны иазҵааит. Зурабишвили ишылҳәаз ала, акаолициатә еиҳабыра аиҿкаара рықәшәар,  аҧыза-министр иҭыҧаз акандидат длымоуп.

«Ҳара ҳхықәкы  —  «Ақырҭуа гәахәтәы» аоппозициахь аиагароуп,  аха,  уи адагьы, «Амилаҭтә ҵысра» ахаангьы анапхгарахьы ихнымҳәроуп,  абри ауп ҳара хықәкыс иҳамоу.

Атехникатә еиҳабыра аиҿкаара акәӡам ҳара ҳзызҿлымҳау,  насгьы,  уажәы изаамҭаным алхрақәа рылацәажәара ҟалом. Сара уи сақәшаҳаҭым,  сара исзеилкаауам шықәсык ашьҭахь изаамҭаным алхрақәа зымҩаҧгатәу. Ҳпозициа зегьы ирдыруеит,  атәыла ахадагьы илдыруеит. Ҳара хықәкык ауп иҳамоу  – жьҭаара  26 рзы  «Ақырҭуа гәахәтәи» «Амилаҭтә ҵысреи» раҵархареи аиааира агареи. Ари ахықәкы анагӡаразы еиуеиҧшым авариантқәа иҟоуп. Сара аполитикатә мчқәа зегьы рахь ааҧхьара ҟасҵоит алхраҧхьатәи акампаниа рыхшыҩ азыршьҭырц,  «Ақырҭуа гәахәтәы» аенергиа ҿыц роуратәы  иҟаҳамҵап, — иҳәеит  Гахариа.