Апрокурортә хеилак аилатәараҿы, ахеилак иалахәы апрокурор Шоҭа Тҟешелашвили Қырҭтәыла Апрокурор хада актәи ихаҭыҧуаҩ Гьаргь Гваракиӡе Апрокурор хада иҭыҧаз кандидатс дықәиргылеит.

Ари атәы аарыцҳаит Апрокурортә хеилак аҟынтәи.

Аинформациа ишану ала, Апрокурор хада иҭыҧаз акандидат Гьаргь Гваракиӡе иҟны аиҿцәажәара мҩаҧгахоит рашәара 18 рзы имҩаҧысуа Ахеилак аилатәараҿы, анеҩс, ахеилак алахәылацәа иқәыргылоу акандидатуразы абжьыҭира мҩаҧыргоит.

«Апрокурор хада иҭыҧаз акандидатура Қырҭтәыла апарламент адгалара апроцесс иалагеит рашәара  13 рзы.

«Апрокуратура иазку» Қырҭтәыла аоргантә закәан иалагалоу аҧсахрақәа инрықәыршәаны, Апрокурортә хеилак алахәылацәа зегьы Апрокурор хада иҭыҧаз акандидат иқәыргылара азин рымоуп. Апрокурор хада иҭыҧаз акандидат Апрокурорттә хеилак аҟынтә адгылара иоуит ҳәа иҧхьаӡахоит иара ахеилак алахәылацәа реиҳара идгылар.

Апрокурортә хеилак алахәылацәа, дара иалырхуа акандидатура Қырҭтәыла апарламент адаргалоит», — иануп Апрокурортә хеилак аинформациаҿы.